Tgi che nus essan

 

Il bia essan nus en dus. Miu frar, in onn pli giuvens, ed jeu. In bienton da nossas experientschas communablas havein nus fatg en mises, en Val Sumvitg, Acla Mulin,  cun nies tat. E lu enteifer las lavurs da purs dalla primavera entochen igl atun. Cura che nus vevan buca dad «ir sil funs» deva ei da tuttas variantas co passentar quei «temps liber». Lu era il Sepli Pec il tierz en la runda. Siu bab era pasterner, pia «pec». Mintgaton gidavel jeu el a purtar la lenna giu dal clavau per il fiug dil furnel.

​

Igl Aluis da Catat era fumegl pign tier igl aug Placi giu Curtins.